Ruandada Marburg virusi infektsiyalarining 80% tibbiy xodimlarning bemorlar bilan aloqa qilishlari tufayli yuzaga keladi. Bu haqda Jahon sog‘liqni saqlash tashkiloti (JSST) hisobotida aytilgan.
Xabarda aytilishicha, 27-sentabrdan buyon mamlakatda 62 kishi ushbu kasallikka chalingan, ulardan 15 nafari vafot etgan, qolganlari tuzalib ketgan. Shu bilan birga, yuqtirganlarning 80 foizdan ortig'i mamlakat poytaxti Kigali shahridagi ikkita shifoxonaning tibbiyot xodimlaridir.
JSST hali ham Ruandada Marburg virusining tarqalish xavfini «juda yuqori» deb baholamoqda, ammo global xavf darajasi pastligicha qolmoqda.
JSST ko‘magida Ruandada Marburg virusi keltirib chiqaradigan kasallikka qarshi dorining birinchi klinik sinovlari boshlandi.