Bu masala parlamentda muhokama qilindi.

Qozog‘istonda ayollarning farzand tarbiyalashini ta’minlash uchun ularning ish kunlarini qisqartirish taklif qilindi. Bu taklifni parlamentga deputat Karakat Abden kiritdi, deb xabar berdi zamon.uz.

Parlament majlisida eng ko‘p muhokama qilingan takliflardan biri Skandinaviya mamlakatlari amaliyotiga o‘xshash ayollar uchun ish kunlarini qisqartirish siyosatini joriy etish bo‘ldi.

“Bu ayollarga ko‘proq vaqtini oilasi va farzand tarbiyasi bilan o‘tkazish imkonini beradi”, — deyiladi xabarda.

Bundan tashqari, Abden ish joylarida 24 soatlik bolalar bog'chalari va bolalar xonalarini tashkil etish, shuningdek, tug'ruq ta'tilini ikki yilgacha uzaytirishni taklif qildi.