Dushanba kuni Qozog‘iston fond birjasida (KASE) qozoq tengesi bir AQSh dollari uchun 519,85 ga tushib, yana bir tarixiy minimal darajaga yetdi. Bu haqda Reuters agentligi xabar berdi.
Qozog‘iston milliy valyutasi neft va rubl narxining pasayishi fonida ikkinchi haftada tarixiy minimal darajaga yetdi.
Noyabr oyida Milliy bank beqarorlashtiruvchi tebranishlarning oldini olish, tenge kursining haddan tashqari o'zgarishini cheklash va bir qator asosiy omillarning pasayishi sharoitida valyuta taklifini ta'minlash maqsadida valyuta intervensiyasini amalga oshirdi. Oy yakuniga ko‘ra, valyuta savdosi hajmi 1 047 million dollarni tashkil etdi.
Markaziy bank ma’lumotlariga ko‘ra, noyabr oyida tenge kursi 5,0 foizga tushib ketdi va 1 AQSh dollari 512,52 tengega teng bo‘ldi.