Rossiya Federatsiyasi tashqi ishlar vaziri o‘rinbosari Aleksandr Grushko NATO “Rossiya bilan urushga tayyorlanayotgani” haqida o‘z fikrini bildirdi.
Uning so‘zlariga ko‘ra, Moskva o‘zining mudofaa rejasida alyans bilan harbiy to‘qnashuv ehtimolini hisobga olgan. “NATO Rossiya bilan qurolli mojaroga tayyorlanmoqda. Harbiy xavfsizlikni mustahkamlash haqidagi taklifimiz AQSh va uning ittifoqchilari tomonidan rad etildi. NATOning agressiv harakatlari va Rossiya xavfsizligi bilan bog‘liq to‘g‘ridan-to‘g‘ri tahdidlari mudofaani rejalashtirish va harbiy qurilishimizda hisobga olinadi”, — dedi janob Aleksandr Grushko.
Rossiya TIV rahbari oʻrinbosari oʻz soʻzlarini NATO qoʻshinlari sonini oshirayotgani va Rossiya chegarasi yaqinida mashgʻulotlar oʻtkazayotgani bilan izohladi. Uning so‘zlariga ko‘ra, alyans mamlakatlari ko‘p jihatdan sovuq urush davrida qo‘llanilgan rejalarga o‘xshash mudofaa rejalarini qabul qilgan.
Grushkoning soʻzlariga koʻra, Rossiya toʻgʻridan-toʻgʻri qarama-qarshiliklardan, jumladan, harbiy salohiyatni namoyish qilishdan qochishga harakat qilmoqda.