DUBAY, 14-noyabr. Birlashgan Arab Amirliklari va Yevroosiyo iqtisodiy ittifoqi (YEOI) savdo va sarmoyaviy hamkorlikni kengaytirishga kelishib oldi. Bu haqda BAA tashqi savdo vaziri Tani bin Ahmad al-Zeyudiy ma'lum qildi.
“Sentyabr oyida men Yevroosiyo iqtisodiy komissiyasi savdo vaziri Andrey Slepnev bilan muzokaralar olib borish uchun Moskvaga tashrif buyurdim. Biz savdo-sotiqni kengaytirish va sarmoyani ko‘paytirishga kelishib oldik hamda keng qamrovli iqtisodiy sheriklik to‘g‘risidagi bitimni yakunlashda davom etish niyatimizni tasdiqladik”. Bu haqda vazir Dubaydagi “Imkoniyatlar dunyosi” forumining ochilish marosimida so‘zlagan nutqida aytib o‘tdi.
O‘tgan yillar davomida BAA Isroil, Hindiston, Indoneziya, Keniya va Turkiya bilan o‘ndan ortiq keng qamrovli iqtisodiy hamkorlik shartnomalarini imzoladi. Fevral oyida al-Zeyudiy mamlakat rasmiylari 2024-yil oxirigacha YeOII bilan xuddi shunday shartnoma imzolashni kutayotganini aytdi.
YeOII xalqaro integratsiyalashgan iqtisodiy birlashma boʻlib, Rossiya, Armaniston, Belarus, Qozogʻiston va Qirgʻiziston aʼzolari hisoblanadi. Kuba, Moldova va O‘zbekistonga kuzatuvchi maqomi berildi.