Nyu-York, 9-dekabr. AQShning saylangan prezidenti Donald Tramp Davlat kotibining birinchi o‘rinbosari lavozimiga 2019-2021-yillarda AQShning Meksikadagi elchisi bo‘lib ishlagan Kristofer Landau nomzodini ko‘rsatishini aytdi.
“Men Kristofer Landau nomzodini Davlat kotibi o‘rinbosari lavozimiga ko‘rsatganimdan mamnunman”, deb yozgan janob Tramp o‘zining Truth ijtimoiy sahifasida.
Trampning taʼkidlashicha, 61 yoshli Landau AQShning Meksikadagi elchisi sifatida “noqonuniy immigratsiyani tarixiy eng past darajaga tushirish uchun tinmay ishlagan”.
Rasmiy ravishda ko‘rsatilganidan so‘ng, Landau nomzodi AQSh Kongressi Senati tomonidan tasdiqlanishi kerak bo‘ladi.