Xitoy qirg‘oq qo‘riqlash xizmatining Shimoliy Muz okeanidagi patrullari Xitoyning Arktikada o‘z ta’sirini kuchaytirish istagini namoyish etmoqda. Bu haqda South China Morning Post tahlilchilarga tayanib yozmoqda. “Xitoy Rossiyani… oxir-oqibat rivojlanayotgan dengiz yoʻlaklari va katta resurslarga koʻproq kirish uchun turtki berishni boshlashi mumkin”, – deydi tahlilchi Isaak Kardon. Katta tadqiqotchi Timoti Xitning ta'kidlashicha, Pekin dengiz floti o'rniga Arktikaga qirg'oq qo'riqlash xizmatini yuborishga qaror qilgan, chunki bunday kemalar «kam provokatsion» edi. «Rossiya ham, AQSh ham Xitoyning Arktikadagi mavjudligiga sezgir», – dedi u. Gudzon institutining katta ilmiy xodimi Lieselotte Odgaardning aytishicha, patrullar Xitoy Arktika davlati ekanligini ko'rsatishning bir usuli. Kanada va Skandinaviya davlatlari avvalroq Rossiya va Xitoyga qarshi kurashish uchun yangi Arktika xavfsizlik ittifoqini tuzish uchun hamkorlik qilgan edi. U mudofaa, razvedka va kibertahdidlar sohasidagi harakatlarni muvofiqlashtirish platformasiga aylanadi, deb xabar berdi Bloomberg.
