Armaniston bosh vaziri Nikol Pashinyan Birlashgan Millatlar Tashkiloti Bosh Assambleyasida nutq so‘zlash uchun AQShga tashrif buyurdi. Bu haqda Armaniston vazirlar mahkamasi rahbari matbuot xizmati xabar berdi. “22-24 sentabr kunlari hukumat rahbari Birlashgan Millatlar Tashkiloti Bosh Assambleyasi 77-sessiyasining yuqori darajadagi seksiyasida ishtirok etadi va unda nutq so‘zlaydi”, — deyiladi xabarda. Eslatib o‘tamiz, tashrif davomida Pashinyan bilan bir qator davlatlar va xalqaro tashkilotlar vakillarining bir necha uchrashuvlari rejalashtirilgan edi. Avvalroq Pashinyan AQSh-Armaniston munosabatlari jadal rivojlanayotganini ma’lum qilgandi. AQSh Davlat kotibi yordamchisi oʻrinbosari Joshua Xek bilan Yerevanda boʻlib oʻtgan uchrashuvda u Armanistonda institutsional islohotlarni amalga oshirishda AQSh rasmiylarining koʻmagi muhimligini taʼkidladi. Shuningdek, u Vashington ko‘magida maqsadli ichki dasturlarni, jumladan, infratuzilma loyihalarini amalga oshirish muhimligini qayd etdi.
