Apple bosh direktori Tim Kuk Floridadagi Mar-a-Lago mulkida AQShning saylangan prezidenti Donald Tramp bilan uchrashdi. Bu haqda anonim manbalarga tayanib, New York Times nashri xabar berdi. Ma`lumotlarga ko'ra, uchrashuv 13 dekabr, juma kuni bo'lib o'tgan. «Tim Kuk Tramp bilan Mar-a-Lagoda uchrashdi», – dedi manbalar. Ular saroyning hovlisida kechki ovqat qilishdi. Gazetaning qayd etishicha, bu uchrashuv Kukka kelajakda Apple biznesiga salbiy taʼsir koʻrsatishi mumkin boʻlgan qator masalalar boʻyicha Trampdan yordam olish imkoniyatini beradi. Xususan, gap Yevropa regulyatorlari tomonidan App Store do‘koniga bosim va AQShda iPhone ishlab chiqarishiga ta’sir ko‘rsatishi mumkin bo‘lgan yangi tariflar joriy etilishi ehtimoli haqida bormoqda. Dekabr oyi boshida Tim Kuk Wired jurnaliga bergan intervyusida foydalanuvchilarning salomatligi va hayot sifatini yaxshilash korporatsiyaning asosiy maqsadi ekanligini aytdi. Uning so‘zlariga ko‘ra, Apple’ning jamiyatga qo‘shgan asosiy hissasi sog‘liqni saqlash xizmatlarini rivojlantirishdir.
