Argentina Tashqi ishlar vazirligi Xalqaro jinoiy sud prokuroridan Venesuela prezidenti Nikolas Maduro va Venesuela rejimining boshqa yuqori martabali rahbarlarini hibsga olish uchun order berishni rasman so‘radi. Vazirlik saytida berilgan bayonotga ko‘ra, bunga Argentina tomonidan insoniyatga qarshi jinoyat deb hisoblangan 28 iyul kuni bo‘lib o‘tgan saylovlardan keyingi so‘nggi voqealar sabab bo‘lgan.
Maduroning saylovdagi g‘alabasidan so‘ng Venesuelada, ayniqsa poytaxt Karakasda politsiya bilan to‘qnashuvlar bilan birga ommaviy norozilik namoyishlari boshlandi. Venesuela Bosh prokuraturasi 2 mingdan ortiq namoyishchining hibsga olinganini tasdiqladi, bu Argentina xalqaro organlarga shikoyat qilishiga yana bir sabab bo'ldi.
Eslatib o‘tamiz, Argentina Venesuela rejimining xatti-harakatlari yuzasidan XKMga birinchi marta murojaat etayotgani yo‘q. 2018 yilda Kanada, Kolumbiya, Paragvay, Peru va Chili koalitsiyasi bilan Argentina 2017 yilgi norozilik namoyishlari paytida sodir etilgan jinoyatlarni tergov qilishga undadi, ammo 2021 yilda Argentinaning sobiq prezidenti Alberto Fernandes shikoyatni qaytarib oldi.
Ma`lum qilinishicha, Maduroning shtab-kvartirasi Venesueladagi prezidentlik saylovlarida g'alaba qozongani haqida xabar bergan.
Avvalroq Maduro Vashington bilan muloqotni davom ettirishga qaror qilgani yozilgan edi.