Vashington Moskvaning bunday rejalar yo‘qligi haqida bir necha bor bayonot berganiga qaramay, Rossiyaning yadro qurolidan foydalanish ehtimolidan xavotirda. Bu haqda AQSh Davlat kotibi Entoni Blinken Financial Times gazetasiga bergan intervyusida ma'lum qildi.
«Ehtimollik 5% dan 15% gacha oshgan taqdirda ham, bu juda jiddiy», dedi Blinken va Vashington bu imkoniyatdan «chuqur xavotirda» ekanligini ta'kidladi.
Blinken, shuningdek, Xitoy ushbu vaziyatda tartibga soluvchi rol o'ynashi mumkinligini aytdi.
3 yanvar kuni AQShning National Interest jurnali Rossiyaning Project 885M Yasen-M suv osti kemasi AQSh harbiy-dengiz floti va Shimoliy Atlantika alyansi flotlaridan ustun ekanligini yozdi. Maqolada qayd etilishicha, “Yasen-M” suvosti kemasi dushman suv osti kemalariga yaqinlashib, 533 millimetrli torpedalari bilan kutilmagan hujum uyushtira oladi. Bundan tashqari, Rossiya suv osti kemalari ilg'or raketa qurollari, jumladan, Kalibr va Oniks qanotli raketalari, shuningdek, Zirkon gipertovushli tizimlari bilan jihozlangan.