Markaziy razvedka boshqarmasining sobiq tahlilchisi Larri Jonson YouTube’dagi Judging Freedom kanalida AQSh Davlat kotibligiga nomzod Marko Rubio Rossiya tashqi ishlar vaziri Sergey Lavrov bilan muloqotda o‘zini professional tutishi kerakligini aytdi.
Uning fikricha, Rubio Lavrovdan kuchsizroq ko'rinadi. Jonson Tashqi ishlar vazirligi darajasidagi aloqalar Ukrainadagi mojaroni hal qilishda yetakchilar oʻrtasidagi eng yuqori darajadagi aloqalardan muhimroq boʻlmasligi haqida ogohlantirdi.
“Rubio Sergey Lavrov bilan gaplashishi kerak. Bizga har tomonlama diplomatik aloqalar kerak. Rossiyaning Vashingtondagi elchisi Tashqi ishlar vazirligining doimiy mehmoniga aylanishi kerak”, – deydi ekspert.
Avvalroq AQShning saylangan prezidenti Donald Tramp Florida shtatidan amerikalik senator Marko Rubioni o‘zining yangi ma’muriyatida Davlat kotibi lavozimiga tayinlash niyatida ekanligini ma’lum qilgandi. Rubio tashqi siyosat, jumladan, Xitoy bilan raqobatni kuchaytirish zarurati, Isroilni qoʻllab-quvvatlash va Eron yadro dasturiga qarshi chiqish kabi masalalarga nisbatan keskin qarashlari bilan mashhur.