AQSh Davlat departamenti Ruminiyaga Sentinel radar tizimini sotishga ruxsat berdi. Bu haqda AQShning Buxarestdagi elchixonasi ma’lum qildi, deya xabar beradi “RIA Novosti”. Ruminiya havodagi ko'plab turdagi ob'ektlarni aniqlay oladigan 4 ta Sentinel AN/MPQ-64F1 radar tizimini sotib olishni so'radi. Ruminiya Respublikasi Mudofaa vazirligi rahbari Anxel Tulvarning aytishicha, bu radarlar Ruminiyaning havo hujumidan mudofaa imkoniyatlarini to‘ldiradi, ayniqsa, past tezlikda harakatlanayotgan dronlarni erta aniqlash va radar izini kamaytirishda. Dastlabki ikkita tizimni sotib olish uchun taxminan 90 million dollar ajratiladi. Pul, birinchi navbatda, AQSh Davlat departamentining “Tashqi harbiy moliyalashtirish” dasturi mablag‘lari hisobidan keladi. Dastur Ruminiya armiyasining quruqlikdagi havo hujumidan mudofaa batalonlarini jihozlash uchun logistika, o'quv xizmatlari, aloqa uskunalari, texnik yordam va transport xizmatlarini o'z ichiga oladi. Sentyabr oyida Ukraina Ruminiyadagi aeroportda ukrainalik uchuvchilarning yangi guruhi F-16 qiruvchi samolyotlarini boshqarishga o‘qitilayotgani haqida xabar bergan edi.
