Madridning «Real» klubi hujumchisi Vinisius Junior yaqinlashib kelayotgan uchrashuvlarga Braziliya terma jamoasiga chaqirilmaydi.
Bu haqda Ge Globo ma’lum qildi. Manbaga ko‘ra, milliy jamoa bosh murabbiyi Karlo Anchelotti Vinisiusni navbatdagi o‘yinlarga jalb qilmaslikka qaror qilgan. Aslida Vinisius Chiliga qarshi bahsni diskvalifikasiya sababli o‘tkazib yuborishi kerak edi, ammo Anchelotti uni Boliviyaga qarshi o‘yinga ham jalb etmoqchi emas. Aytilishicha, murabbiy hujumchiga qo‘shimcha dam berish niyatida.
Jahon chempionati – 2026 saralash o‘yinlarini Braziliya terma jamoasi sentyabr oyida o‘tkazadi. Chiliga qarshi bahs 5 sentyabr kuni, Boliviyaga qarshi o‘yin esa 10 sentyabrda bo‘lib o‘tadi.