Insayder Fabrisio Romanoning xabar berishicha, Angliya terma jamoasi va “Manchester Siti” himoyachisi Kayl Uoker “Milan”ga o‘tishga rozi bo‘ldi.
Manbaning xabariga ko‘ra, yaqin ikki kun ichida angliyalik qanot himoyachisining transferi bo‘yicha muzokaralarning yakuniy bosqichi bo‘lib o‘tadi.
Eslatib o‘tamiz, Kayl 2017 yildan buyon “Manchester Siti”da o‘ynab kelmoqda. Umuman olganda, himoyachi “shaharliklar” safida 319 ta o‘yinda ishtirok etib, 6 ta gol urdi va 23 ta golli uzatmani amalga oshirdi. 34 yoshli futbolchining klub bilan shartnomasi 2026 yilning yoziga qadar tuzilgan va uning transfer qiymati o‘n million yevroga baholanmoqda.