“Manchester Yunayted” va Angliya terma jamoasining sobiq hujumchisi Ueyn Runi jamoat joyida hojat chiqargani uchun jarimaga tortilishi mumkin. Bu haqda “Daily Mail” nashri xabar bermoqda.
Manbaning ma’lumotiga ko‘ra, Angliya terma jamoasining sobiq sardori Londonda devor yonida hojat chiqarayotgan paytida ko‘zga tashlangan. Bu voqea Ueyn do‘stlari bilan Londondagi ikki barda dam olgan kechada sodir bo‘lgan. Shu kechada ro‘y bergan voqealar, jumladan ushbu hodisa suratga olingan. Buyuk Britaniyada jamoat joyida hojat chiqarish jinoyat deb hisoblanishi mumkin va bu uchun jarima yoki hatto sud ishlari qo‘zg‘atilishi ehtimoli bor.
Runi kameraga tushgan Vestminster shahar kengashi jamoat joyida hojat chiqarganlar uchun 1000 funt miqdorida jarima soladi. Ammo polisiya ma’lum qilishicha, “Plimut” jamoasining sobiq murabbiyiga nisbatan hech qanday shikoyat kelib tushmagan. Shuni ta’kidlash kerakki, bu Runining birinchi bunday holati emas. 2013 yilda ham u Manchesterdagi Dalton ko‘chasida axlat qutisi yonida hojat chiqarayotgan paytida suratga olingan edi.
Runi o‘z professional futbolchilik faoliyati davomida “Everton”, AQSHning “Di-Si Yunayted” va “Derbi Kaunti” jamoalarida to‘p surgan.