“Tottenxem” bosh murabbiyi Tomas Frank jamoaning maqsadlari haqida fikr bildirdi. O‘tgan mavsum yakunlanganidan ko‘p o‘tmay, “shporlar” prezidenti Daniel Levi Yevropa Ligasidagi g‘alabalar yetarli emasligini, chunki klub Premyer-liga va Chempionlar Ligasida zafar quchishga qodirligini aytdi.
“Men bu ambisiyalarga qo‘shilaman – bunday miqyosdagi klubda bunday ambisiyalar bo‘lishi kerak. Ayni damda biz bundan qanchalik yiroq ekanligimizni aytish qiyin, ammo biz kelajakka qarashimiz va maqsadlarga erishish uchun harakat qilishimiz kerak,” – dedi daniyalik murabbiy OAV bilan suhbatda.
Tomas Frank iyun oyida iste’foga chiqarilgan Ange Postekoglu o‘rniga “Tottenxem”ni qabul qilib olgandi.
APLning o‘tgan mavsumida londonliklar 17-pog‘onani band etishgandi.