“Srvena Zvezda”ning 17 yoshli hujumkor yarim himoyachisi Andriya Maksimovich ertaga bo‘lib o‘tadigan Chempionlar ligasi umumiy bosqichi 4-turi doirasidagi jamoalarning o‘zaro o‘yini oldidan “Barselona” vingeri Lamin Yamal haqida o‘z fikrlari bilan o‘rtoqlashdi.
“Lamin Yamal ajoyib futbolchi. U bilan ham, Kubarsi bilan ham yoshlar o‘rtasidagi Yevropa chempionatida yo‘llarimiz kesishgan. Men maydonga chiqib, Lamindan ustun ekanligimni isbotlayman. Umid qilamanki, o‘yindan keyin futbolkalarni almashtira olamiz”, – dedi Maksimovich Mundo Deportivo bilan suhbatda.
“Srvena Zvezda” – “Barselona” uchrashuvi Belgraddagi “Rayko Mitis” stadionida bo‘lib o‘tadi.