“An-Nasr” forvardi Kristian Ronaldu Saudiya Arabistoni milliy chempionatidagi eng ko‘p maosh olayotgan futbolchi hisoblanadi. 39 yoshli futbolchining yillik daromadi 263 mln yevroga teng. Shundan 60 milion yevrosi reklamadan tushadigan daromad hisoblanadi.
Bu borada ikkinchi ko‘rsatkich «Al-Hilol» hujumchisi Neymarga tegishli. Braziliyalik futbolchining yillik maoshi 74 million yevroga teng bo‘lsa, u reklamadan 28 million yevro ishlab topmoqda (jami 102 mln).
«Al-Ittihod» hujumchisi Karim Benzema 96 mln yevro daromad bilan kuchli uchlikka kirgan (92 mln – maosh, 4 mln – reklamadan daromad).
«An-Nasr» hujumchisi Sadyo Mane esa 48 mln yevro maosh hamda 3,7 mln yevro reklama daromadini olmoqda.
Joriy yilning yozida Saudiyaga kelgan futbolchilar orasida eng ko‘p daromad Ayven Tunisga tegishli. «Al-Ahli» yiliga angliyalik futbolchiga 23 milliona yevro to‘lamoqda.
Joau Kanselu («Al-Hilol»), Mussa Diabi («Al-Ittihad») va Muhammad Simakan («An-Nasr»)ning maoshi 15 million yevroga teng.
«Real» klubi sobiq himoyachisi Nacho hamda «Arsenal» va «Barselona» klublari sobiq forvardi Pyer-Emerik Obameyang «Al-Qodisiya» safida yiliga 10 mln yevro olmoqda.