Madridning “Real” jamoasida jamoa bosh murabbiyi Karlo Anchelottining ish faoliyatining ikki jihati klubda qoniqmaslikka sabab bo‘lgan, deb xabar beradi “The Athletic”.
Manba ma’lumotlariga ko‘ra, ayrim futbolchilar va klub xodimlari mashg‘ulotlarda taktik ishlarning yetarli emasligidan shikoyat qilgan, bu esa keyin o‘yinlarda o‘z aksini topgan.
Shuningdek, “Real”ning ayrim mutaxassislari italiyalik murabbiyni yosh futbolchilarga, xususan yarim himoyachi Arda Gyuler va hujumchi Endrikka yetarlicha imkoniyat bermayotganlikda ayblashgan.
Eslatib o‘tamiz, kecha — 12 may kuni, Anchelotti Braziliya terma jamoasi bosh murabbiyi etib tayinlangani ma’lum bo‘ldi. Ilgariroq xabar qilinganidek, italiyalik mutaxassis 26 maydan o‘z ishiga kirishadi. Karlo 2021 yildan beri Madridning “Real” klubini boshqarib kelmoqda.
2013 yildan 2015 yilgacha ham Anchelotti “qorrangilar” jamoasiga bosh murabbiylik qilgan. Uning qo‘l ostida “Real” ikki bor Ispaniya chempionligini, uch marta esa UYEFA Chempionlar ligasida g‘oliblikni qo‘lga kiritgan.