35 yoshli hujumchi Enner Valensiya Meksikaning “Pachuka” klubi futbolchisiga aylandi. U ikki yarim yillik shartnoma imzoladi.
Valensiyaning sobiq klubi Braziliyaning “Internasyonal” jamoasi edi. Bungacha uning faoliyatida “Everton”, “Vest Xem”, “Tigres”, “Fenerbaxche” klublari bo‘lgan. “Pachuka” safida esa Valensiya 2014 yilda, 11 yil oldin to‘p surgan.
Valensiya – Qatardagi jahon chempionati qahramonlaridan biri, u Ekvador va Qatar terma jamoalari o‘rtasidagi o‘yinda ushbu turnirning birinchi goliga mualliflik qilgan. Hammasi bo‘lib Enner o‘z mamlakati terma jamoasi safida 100 ta o‘yinda maydonga tushib, 47 ta gol urgan.
Transfermarkt portali futbolchini bor-yo‘g‘i 1,7 mln yevroga baholamoqda.