O‘zbekiston kubogida biroz avval yarim finalning ikki bellashuvi yakuniga yetdi. «Andijon» o‘z maydonida «Surxon»ni qabul qilgan bo‘lsa, «Navbahor» «Paxtakor»ga qarshi safarda maydonga chiqdi.
Har ikki bahsning asosiy vaqtida 0:0 hisobi qayd etildi. Andijonda mezbonlar penaltilarda aniqroq harakat qilgan bo‘lsa (5:4), Toshkentda namanganliklar (4:3) penaltilardan ustun keldi.
Endi 5 oktyabr kuni Farg‘onadagi «Istiqlol» stadionida O‘zbekiston kubogi finalida «Andijon» va «Navbahor» qarama-qarshiligi guvohiga aylanamiz.