“Galatasaroy” “Napoli”ni hujumchi Viktor Osimxenni sotishga ko‘ndirmoqchi.
Yaqinda turk klubi nigeriyalik uchun 75 million yevro to‘lashga tayyorligi haqida xabarlar paydo bo‘lgandi. Bu 26 yoshli futbolchining shartnomasida ko‘rsatilgan tovon miqdori, biroq Istanbul klubi to‘lovlarni bir necha qismga bo‘lib olmoqchi, shuning uchun “Napoli” rad etishi mumkin.
Jurnalist Nikolo Skiraning so‘zlariga ko‘ra, shanba kuni klublar o‘rtasida Osimxen bo‘yicha yangi muzokaralar bo‘lib o‘tadi.
“Galatasaroy” transferni muvaffaqiyatli yakunlay olishiga ishonmoqda. Manbaga ko‘ra, Viktor Osimxenga 2028 yilgacha muddatni bir yilga uzaytirish mumkin bo‘lgan, yiliga 18 million yevro maosh oladigan shartnoma taklif qilingan.