Futbol bo‘yicha mutaxassis Kiran Maguayrning fikricha, agar klub Premyer-liganing moliyaviy qoidalarini buzganlikda aybdor deb topilsa, “Manchester Siti”dan 100 ochkogacha olib qo‘yilishi mumkin.
“Klub 60 ochkodan 100 ochkogacha yo‘qotishini taxmin qilishimiz mumkin, bu esa Premyer-ligadan tushib ketishi uchun yetarli bo‘ladi.
Mustaqil komissiyaga taqdim etish uchun barcha dalillar mavjud bo‘lsa, tinglov sakkiz haftadan so‘ng tugaydi, jarayon 3-4 oy davom etishi mumkin, chunki u 115 ta ayblovning har biri bo‘yicha qaror qabul qilishi kerak”, — dedi Maguayr.
“Siti” 2009-2018 yillar davomida moliyaviy feyr-pley qoidalarini buzganlikda ayblanmoqda. Taxminlarga ko‘ra, “Manchester Siti” o‘zi amalga oshirgan moliyaviy to‘lovlarni to‘liq oshkor etmagan.