“Milan” markaziy yarim himoyachisi Tidjani Reynders “Manchester Siti”ga o‘tishi mumkin.
Insayder Fabrisio Romano xabariga ko‘ra, bir necha soat oldin “shaharliklar” 26 yoshli yarim himoyachi uchun “Milan”ga birinchi taklifini bildirishgan. Ta’kidlanishicha, ingliz grandi bonuslarni hisobga olgan holda 60 million yevro taklif qilgan, ammo “rossonerilar” bundan ko‘proq narsani xohlamoqda.
Joriy mavsumda Reynders barcha turnirlarda 54 ta uchrashuvda maydonga tushib, 15 ta gol urdi va 5 ta golli uzatmani amalga oshira oldi.