Seshanba kuni “Liverpul” Chempionlar ligasidan chiqib ketdi va o‘z uyida “PSJ”ga penaltilar seriyasida mag‘lub bo‘ldi.
O‘yindan so‘ng ijtimoiy tarmoqlarda “Enfild” stadionida suratga olingan video paydo bo‘ldi. Videoda “Liverpul” sardori Virjil van Deyk “PSJ” prezidenti Nosir al-Xelayfi bilan gaplashmoqda. Video juda uzoqdan suratga olingan va suhbat mazmunini eshitishning iloji bo‘lmagan.
Goal portali “Liverpul” muxlislarining ba’zi fikrlarini to‘pladi. Ular al-Xelayfi van Deyk bilan “PSJ”ga o‘tish haqida gaplashayotganiga ishonib, xavotirlana boshladilar. Niderlandiyalik futbolchining amaldagi shartnomasi iyun oyi oxirigacha amal qiladi.