«Inter» sardori va hujumchisi Lautaro Martines Chempionlar ligasi finalida «PSJ»dan uchralgan yirik mag‘lubiyat (0:5) haqida fikr bildirdi.
«Chempionlar ligasi finalida «PSJ»ga qarshi o‘yindan keyin men besh kun gapira olmadim. Hafsalam pir bo‘ldi va qayg‘uga to‘ldim. Oxirgi uch yilda ikki marta finalga chiqqanmiz. Bizda ajoyib seriya bor edi, ammo eng so‘nggi o‘yinda asosiy maqsadimiz — Chempionlar ligasida g‘alaba qozonish uchun nimadir yetishmasdi.
Biz «PSJ» kuchli raqib, ishonchli va o‘zini to‘liq namoyon eta oladigan jamoa ekanini bilardik. Ammo biz ham kuchli edik. So‘nggi haftani tinch muhitda, xotirjamlik va ishonch bilan tayyorgarlik ko‘rdik. Shuning uchun, «ojizlik» so‘zi biz his qilgan holatni eng to‘g‘ri ifoda etadi. Chunki biz tayyorgarlikda ishlaganlarimizni amalda maydonda qo‘llay olmadik, va bu hafsalani eng ko‘p pir qilgan jihat edi. «PSJ» bu natijaga haqli edi, ular ajoyib final o‘tkazishdi», — dedi Martines.