OAV xabarlariga ko‘ra, Londonning «Chelsi» klubi Dortmundning «Borussiya» jamoasi yarim himoyachisi, angliyalik vinger Jeymi Bayno-Gittensni sotib olish arafasida turibdi.
Ma’lumotlarga qaraganda, «ko‘klar» futbolchini klublar o‘rtasidagi jahon chempionati boshlanishidan oldin o‘z safiga qo‘shib olmoqchi bo‘lishgan, biroq o‘shanda kelishuv amalga oshmagan. Endi esa «Chelsi» Bayno-Gittens transferiga yanada yaqinlashdi.
«Bavariya» ham «Borussiya» futbolchisiga qiziqish bildirmoqda. Biroq manbalarga ko‘ra, Bayno-Gittens allaqachon «Chelsi» bilan yetti yillik mehnat shartnomasi borasida kelishib olgan.
Umumiy hisobda Jeymi Bayno-Gittens «Borussiya» safida 107 ta o‘yinda qatnashib, 17 ta gol urgan va 14 ta golli uzatma amalga oshirgan.