“Manchester Siti” bosh murabbiyi Xosep Gvardiola yozda jamoani tark etgan futbolchilar haqida gapirdi.
“Avvalo Ederson, Gyundogan va Manu Akanji maqtovga loyiq. Qilgan ishlarimizni ularsiz tasavvur qilib bo‘lmasdi. Eddi ushbu klub uchun eng yaxshi o‘n yillikka o‘ziga xos yo‘l ochishga yordam berdi. Gyundo va Manu – klub uchun eng yaxshi xaridlarimdan biri. Turli sabablarga ko‘ra. Men ularga eng yaxshi tilaklarni tilayman. Eddi yangi narsani sinab ko‘rmoqchi edi va bozor bizga Donnarummani qo‘lga kiritish imkoniyatini berdi,” – dedi Gvardiola juma kungi matbuot anjumanida jurnalistlarga.
“Manchester Siti” hozirda 14 sentyabr kuni bo‘lib o‘tadigan “Manchester Yunayted” bilan derbiga tayyorgarlik ko‘rmoqda.