«Manchester Siti» bosh murabbiyi Xosep Gvardiola mashhur italiyalik mutaxassis Fabio Kapelloning so‘zlariga javob qaytardi. Avvalroq Kapello Gvardiola futbolga katta zarar yetkazganini aytgan edi.
«Men haqimda odamlar nima deyishsa, hammasini eshitib boraman. Hammasini! Shunday ekan, ehtiyot bo‘ling! Janob Fabio Kapello bu gapni ilk bor aytmayapti. Men Italiya futbolida g‘alaba qozonish uchun yetarli darajada yaxshi emasman… Fabio, sizni qattiq bag‘rimga bosaman, qattiq bag‘rimga bosaman!» — deb Gvardiolaning so‘zlarini City Xtra ijtimoiy tarmoqdagi X (avvalgi Twitter) sahifasi keltirdi.
Eslatib o‘tamiz, Kapello o‘z fikrini shunday izohlagan edi: “boshqa murabbiylar, ayniqsa Italiyada, Gvardiolaning o‘yin uslubini nusxalay boshlagani uchun futbolni tomosha qilish zerikarli bo‘lib qolgan”.