Madridning “Real” klubi hujumchisi Gonsalo Garsiya klublar o‘rtasidagi jahon chempionati 1/4 finalida Dortmundning “Borussiya” klubi ustidan qozonilgan g‘alabadan so‘ng (3:2) intervyu berdi.
21 yoshli ispaniyalik bu safar ham gol urdi – u 10-daqiqada hisobni ochdi. Yarim finalda “qaymoqranglilar” “PSJ” bilan o‘ynaydi.
“Men juda baxtliman, juda mamnunman. Qiyin bo‘lishini bilardik, lekin har birimiz o‘zimizni ko‘rsatdik. Ishonchli g‘alaba, endi yarim finalga chiqdik. “PSJ” aql bovar qilmaydigan mavsumni o‘tkazmoqda, ammo biz – “Real”miz va o‘z kuchimizni isbotlashimiz kerak. Oxirigacha kurashamiz,” – dedi o‘yindan keyin OAV vakillari bilan suhbatda Gonsalo Garsiya.