Italiyalik darvozabon Janluidji Donnarumma “PSJ”ning “Tottenxem”ga qarshi UEFA Superkubogi o‘yini uchun qaydnomadan chetlatildi.
Insayder Fabrisio Romano ushbu yangilik bilan o‘rtoqlashdi. Italiya terma jamoasi darvozaboni parijliklar bilan shartnomasini uzaytirmadi va klubni tark etmoqda.
Shu tariqa, yevrokubok uchun o‘yinda parijliklar darvozasini yo jamoaning yangi o‘yinchisi Luka Shevalye yoki o‘tgan mavsumda jamoaning ikkinchi raqamli darvozaboni bo‘lgan rossiyalik Matvey Safonov himoya qiladi.