“Brentford” hujumchisi Yoan Vissaning klub rahbariyatidan hafsalasi pir bo‘ldi.
Avvalroq, “asalarilar” 28 yoshli forvardni “Nyukasl”ga 25 million funtga sotmagani ma’lum bo‘lgandi.
Jurnalist Ben Jeykobsning yozishicha, “qarg‘alar” “Brentford”ga o‘z takliflarini 30+5 million funtgacha yaxshilashga tayyor ekanliklarini aytishgan, ammo bunga javoban o‘yinchi sotilmasligini va faqat 50 million funt yoki undan ko‘proq taklif qilingan taqdirdagina ketishini eshitishgan.
Futbolchining o‘zi “Brentford” buncha katta pul so‘rayotganidan hafsalasi pir bo‘lgan va klub uni 26 million funtga sotish va’dasini buzgan deb hisoblaydi – tomonlar o‘tgan yozda og‘zaki kelishuvga erishgan. Vissa hatto maoshini oshirishni ham so‘ramadi, chunki u 2025 yilda klubni tark etishini kutgandi. Endi futbolchi “asalarilar” bilan mashq qilishdan bosh tortmoqda.
Qayd etilishicha, Yoanning transferi bo‘yicha katta taklifni Saudiya Arabistonining “Neom” klubi ham bergan, ammo futbolchining o‘zi “Nyukasl” yoki Chempionlar ligasida ishtirok etuvchi boshqa jamoaga o‘tishni istamoqda.