Oliver Birxoff Xansi Flikning murabbiylik fazilatlarini yuqori baholadi.
Germaniyalik sobiq hujumchi Bild nashriga vatandoshining murabbiylik yondashuvi “Barselona”ga juda mos kelishini aytdi.
“Menimcha, u klubga birdamlik, jamoa tuyg‘usini beradi. Klub o‘zini bir oiladek olib boradi va yoshlarga tayanadi.
“Barselona” moliyaviy bosim tufayli deyarli “La Masiya”dan kelgan futbolchilarga tayanishga majbur. Bularning barchasi Xansining qo‘lida o‘ynaydi”, – deydi Birxoff
“Men unga oxirgi marta ertalab soat 6:30 da qo‘ng‘iroq qilganman va u allaqachon mashg‘ulot maydonida edi. Bu uning o‘z ishini qanchalik sevishini ko‘rsatadi”, — deya xulosa qildi Birxoff.