«Barselona» yarim himoyachisi Frenki de Yongning kelajagi haqida ma’lumot paydo bo‘ldi.
«Diario Sport» nashrining ta’kidlashicha, «Barselona» rahbariyati de Yong 2026 yilda klubni tekinga tark etishi mumkinligidan xavotirda. Futbolchining o‘zi «Barselona»da baxtiyor, ammo klubda uning shartnomasi uzaytirilishiga nisbatan pessimizm bor, deydi manba.
Avvalroq, «ko‘k-anorranglilar» o‘tgan yili 27 yoshli xavbek bilan shartnomani uzaytirish taklifini bildirgani, ammo hozirgacha javob berilmagani xabar qilingandi.