“Real” Migel Gutyerresni “Jirona”dan sotib olmaydi.
Avvalroq, Madrid klubi 23 yoshli ispaniyalik himoyachini qayta sotish maqsadida sotib olishi mumkinligi haqida xabar berilgan edi.
Gutyerres 2022 yilning yozida “Real”dan “Jirona”ga o‘tgan. “Madrid”da futbolchini 8 million yevroga sotib olish imkoniyati bor, qolgan klublar uchun bu miqdor 40 million.
Marca xabariga ko‘ra, “Bavariya” himoyachisi Alfonso Devis transfer qilingan taqdirda, Gutyerresning “Real”ga qaytishi ehtimoli istisno qilinadi. Klub ispaniyalikka ishonmaydi.
La Liganing joriy mavsumida 23 yoshli futbolchi 12 ta o‘yin o‘tkazib, bitta gol va ikkita golli uzatmani amalga oshirdi.