Ekologiya, atrof-muhitni muhofaza qilish va iqlim o‘zgarishi vazirligi huquq-tartibot idoralari bilan hamkorlikda Toshkent viloyatining Yangiyo‘l tumanida yangi ekologik reyd o‘tkazdi, deb xabar berdi vazirlik matbuot xizmati.
O‘tkazilgan reyd davomida Chirchiq daryosining Samarqand mahallasi hududidan o‘tuvchi sohilbo‘yi hududida yuridik shaxs tomonidan qum-shag‘al aralashmasini noqonuniy qazib olish holatlariga chek qo‘yildi. Tabiatga yetkazilgan zarar 273,8 milliard so‘mni tashkil etdi.
Atrof-muhitni muhofaza qilish vazirligi ushbu tashkilot avval ogohlantirilganini va javobgarlikka tortilganini ta'kidladi.
Voqea yuzasidan to‘plangan barcha hujjatlar tegishli huquqni muhofaza qiluvchi organlarga topshirilgan.