Xitoy Xalq ozodlik armiyasi orolning mustaqillikka intilishiga chek qoʻyish maqsadida Tayvan atrofida qoʻshma qilich 2024B mashqlarini boshladi. Bu haqda Sharqiy mintaqaviy operatsiyalar qo‘mondonligi rasmiy vakili polkovnik Li Si so‘zlariga asoslanib, Guancha nashri ma’lum qildi.
Janob Lining so‘zlariga ko‘ra, mashg‘ulotlar “dengiz va havo patrullari, jangovar tayyorgarlikni sinovdan o‘tkazish va asosiy port va hududlarni blokirovka qilish”ga qaratiladi. Polkovnikning aytishicha, mashg‘ulotlar Tayvan mustaqilligiga intilayotgan “separatchi kuchlar”ga qarshi “kuchli” to‘xtatib turishga qaratilgan.
Janob Li Sining aytishicha, mashg‘ulotlardan maqsad harbiylarning jangovar qobiliyatini sinab ko‘rishdir. Mashg‘ulotlarda Xitoyning dengiz floti, havo kuchlari, raketa kuchlari va boshqa harbiy kuchlari ishtirok etmoqda. Guancha nashrining yozishicha, mashg‘ulotlar Tayvan bo‘ylab, ayniqsa orol g‘arbidagi Tayvan ko‘rfazida, orolning sharqiy, janubiy va shimoliy qismlarida bo‘lib o‘tmoqda.
Tayvan tomoni mashqlarni «provokatsion» harakat deb atadi.