Bugun, 6-oktabr kuni soat 18:47 da FVBga Toshkent shahrining Chilonzor tumanidagi “Sehrli shahar” istirohat bog‘i kiraverishi oldidagi ayvonda yong‘in sodir bo‘lgani haqida xabar kelib tushdi, deb xabar qildi FVB matbuot xizmati.
Shunga ko‘ra, o‘t o‘chiruvchilar soat 18:48da voqea joyiga yetib borib, soat 18:49da yong‘inni o‘chirishgan.
Hodisa oqibatida hech kim jabrlanmagan va halok bo‘lmagan.
Hozirda yong‘in kelib chiqish sabablari hamda yetkazilgan moddiy zarar miqdori aniqlanmoqda.