Oktyabr oyida fransuz olimi, iqtisodiyot bo‘yicha Nobel mukofoti sovrindori Jan Tirol O‘zbekistonga ilk bor tashrif buyuradi.
Olim sanoat menejmenti, moliya, makroiqtisodiyot va bank boshqaruvi sohalarida mustahkam bilim va tajribaga ega bo‘lib, asosan shu sohalarda ilmiy izlanishlar olib boradi.
Maʼlumotlarga koʻra, 14-oktabr kuni Jan Tirol ishtirokida talabalar, tadbirkorlar, olimlar va iqtisodiyot yoʻnalishidagi tadbirkorlar uchun ochiq maʼruza boʻlib oʻtadi.
Uchrashuv davomida olim bilan monopoliyalarni boshqarish va xalq farovonligiga erishish mavzusida suhbat bo‘lishi kutilmoqda.
Tadbir o‘zbek va rus tillariga bir vaqtda tarjima qilinadi.
Ma’lumot uchun, uchrashuv “Hotel Intercontinental Tashkent” (Trilliant) mehmonxonasida soat 15:00da boshlanadi.
Ishtirok etishni istaganlar chiptalarni iticket.uz saytidan onlayn xarid qilishlari mumkin.