Greenpeace Ukraina tomonidan olib borilgan yangi tadqiqot Ukrainaning energetika sektori Rossiya hujumlari va misli ko'rilmagan yadroviy falokat xavfi tufayli qanchalik zaif va himoyasiz bo'lib qolganini ko'rsatadi.
Tashkilotning fikricha, energiya tizimiga hujumlarning davom etishi Rovno, Xmelnitskiy va Janubiy Ukraina atom elektr stansiyalari reaktorlari sovutish tizimlarining uzilishiga olib kelishi mumkin. Ularning haddan tashqari qizishi yadro yoqilg'isining erishi va radiatsiya chiqishiga olib keladi.
Ma’lumotlarga ko‘ra, atom elektr stansiyasida avariya yuz bergan taqdirda birinchi bo‘lib Ukraina xalqi jabr ko‘radi, biroq radioaktiv ifloslanish Yevropaning katta qismiga jiddiy ta’sir ko‘rsatishi mumkin. Ushbu tashkilotga ko'ra, salbiy stsenariyda oqibatlar Fukusima va Chernobil AESlaridagi ofatlardan ham jiddiyroq bo'lishi mumkin.
Greenpeacening Kiyevdagi vakolatxonasining yadroviy eksperti Shon Byorni shunday dedi: «MAGATE endi qat'iyroq harakat qilishi – Rossiya hukumati bilan aniq muloqot qilishi va zudlik bilan elektr stantsiyalariga kengaytirilgan missiyani boshlashi kerak».