Ozarbayjon rossiyaliklarning sayohatini cheklash huquqiga ega, dedi Mariya Zaxarova mamlakatning Rossiya fuqarolari uchun tartib-qoidalarni o‘zgartirish rejalarini izohlar ekan.
“(Bunday oʻzgarishlar qilish) Bokuning huquqi”, dedi u.
Ozarbayjon Tashqi ishlar vazirligi matbuot kotibi Ayxan Gadjizade Rossiyaning 2025-yilda kuchga kiradigan xorijliklarga nisbatan yangi cheklovlari qarshisida mamlakat tenglik va oʻzarolik tamoyili asosida harakat qilishini aytdi.
26 dekabr kuni Rossiya tashqi siyosat idorasi 2025 yil 1 yanvardan boshlab xorijiy fuqarolarning Rossiyada vizasiz vaqtincha bo‘lish muddati jami kalendar yili 90 kundan oshmasligini ma’lum qildi.