Xitoy-Andijon hamkorligi – qiymati 100 million dollarlik yangi loyiha quriladi Prezident farmoyishlari ijrosi doirasida Andijonda xalqaro hamkorlik tobora kengaymoqda.
Xitoyning “Faw Trucks” kompaniyasi rahbariyati vakillaridan iborat delegatsiya hududimizga tashrif buyurdi. Delegatsiya Andijon hokimligi rahbariyati bilan uchrashib, muzokaralar olib bordi.
Muzokaralarga ko‘ra, kompaniya bilan hamkorlikda Andijon shahrida umumiy qiymati 100 million dollarlik loyiha qurilishi boshlanadi. Loyiha yiliga 10 ming yuk avtomobili ishlab chiqarishga ixtisoslashgan bo‘lib, qurilishni noyabr oyida boshlashga kelishib olindi.
Uchrashuvdan so‘ng delegatsiya a’zolari Andijon shahridagi “Ipak yo‘li” erkin iqtisodiy sanoat parkida amalga oshirilayotgan loyihalar bilan tanishtirildi. Bundan tashqari, “NAWAS” brendi ostida havo tozalash uskunalari va konditsionerlar ishlab chiqarish loyihasi doirasida amalga oshirilayotgan joriy qurilish ishlari haqida batafsil ma’lumot berilgan.
“Faw Trucks” kompaniyasi delegatsiyasining viloyatimizga tashrifi davom etmoqda.