So‘nggi yillarda davlat boshqaruvi tizimida gender tengligini ta’minlash, ayniqsa, xotin-qizlarning ijro hokimiyati va boshqaruvi organlarida rahbarlik lavozimlarida keng ishtirokini ta’minlash dolzarb masalaga aylandi. Mamlakatimiz tarixida ilk bor parlamentdagi xotin-qizlar soni Birlashgan Millatlar Tashkiloti tomonidan belgilangan tavsiyalarga mos keladigan darajaga yetdi va dunyodagi 190 parlament orasida 37-o‘ringa ko‘tarildi.
Rahbar lavozimlarda xotin-qizlar ulushi 27 foizga, siyosiy partiyalarda 44 foizga, oliy ta’lim muassasalarida 40 foizga, tadbirkorlik subyektlarida 35 foizga yetmoqda. Xotin-qizlarning jamiyatdagi siyosiy-ijtimoiy faolligini kuchaytirish ularning qarorlar qabul qilish jarayonlarida faol ishtirokini ta’minlashni taqozo etadi. Ushbu maqsadlarga erishish uchun “Adolat” sotsial-demokratik partiyasi ijro hokimiyati rahbarlarining kamida 30 foizi ayollardan iborat bo‘lishi kerakligi to‘g‘risidagi nizomni kiritishni taklif qilmoqda.
Xorij tajribasiga nazar tashlaydigan bo‘lsak, dunyo mamlakatlarida ayollarning yetakchilik rolini kuchaytirish borasida amalga oshirilayotgan islohotlarni kuzatishimiz mumkin.
Misol uchun, Shvetsiya va Norvegiya kabi mamlakatlarda ayollarning 30% yoki undan ko'prog'i yuqori boshqaruv lavozimlarida ishlaydi. Bu mamlakatlar iqtisodiy va ijtimoiy rivojlanishga ayollarning yetakchi rollarda ishtirok etishi orqali erishdilar.
Mazkur tashabbus jamiyatda gender tengligi va ijtimoiy adolatni ta’minlash, suv xo‘jaligida xotin-qizlarning roli va faolligini oshirish maqsadida “Adolat” sotsial-demokratik partiyasi tomonidan ilgari surilmoqda.