O‘zbekiston Respublikasi Bosh vaziri Abdulla Aripov Armaniston Respublikasiga tashrifi doirasida Eron Islom Respublikasi Birinchi vitse-prezidenti Muhammad Rizo Oref bilan ikki tomonlama uchrashuv o‘tkazdi.
Uchrashuvda mamlakatimiz rahbarlari tomonidan ko‘p tomonlama hamkorlikni yanada mustahkamlash borasida muhim ishlar amalga oshirilayotgani ta’kidlandi.
Natijada birgina o‘tgan yilning o‘zida o‘zaro tovar ayirboshlash hajmi yarim milliard dollardan oshdi, yil boshidan buyon qo‘shma korxonalar soni 51 taga ko‘paydi.
Uchrashuvda Hukumatlararo qoʻshma qoʻmitaning navbatdagi yigʻilishi va uning doirasidagi biznes-forum, shuningdek, ikki mamlakat oʻrtasida boshqa sohalarda sanoat kooperatsiyasi loyihalarini amalga oshirish masalalariga eʼtibor qaratildi.
Shuningdek, energetika, metallurgiya, innovatsiya va texnologiyalar, transport-transport va kommunikatsiyalar ikki tomonlama hamkorlikni yanada kengaytirishda muhim yo‘nalish ekani tasdiqlandi.
O‘zbekiston hukumat delegatsiyasi Yerevanga tashrifi doirasida Osiyo-Yevropa iqtisodiy forumida ham ishtirok etdi.