Frantsiya rasmiylari milliarderning hibsga olingani haqida ma'lumot bermadi.
Telegram asoschisi Pavel Durov ishi boʻyicha masʼul boʻlgan Parij prokuraturasi 26-avgust, dushanba kuni matbuot uchun bayonot beradi.
“Matbuot uchun toʻliq bayonot ertaga eʼlon qilinadi”, dedi prokuratura TASSning Durovning hibsga olinishi sababi va ishdagi holatini oydinlashtirish haqidagi soʻroviga javoban.
Avvalroq frantsuz matbuoti Pavel Durovning hibsga olingani haqida xabar bergan edi. Biroq mamlakat hukumati bu ish yuzasidan izoh bermadi.
TASS taʼkidlaganidek, Fransiya Ichki ishlar vazirligi va Adliya vazirligi bu haqda izoh berishdan bosh tortdi. Parij tuman politsiyasi ham hech narsa bilmasligini aytdi.
Rossiyaning Fransiyadagi elchixonasiga ko‘ra, diplomatlar Fransiya rasmiylaridan konsullik xodimlarining Pavel Durov bilan uchrashishini ta’minlashni so‘ragan, biroq “fransuz tomoni aloqa qilishdan qochgan”. Qayd etish kerakki, u Rossiya bilan birga Fransiya fuqaroligiga ham ega.
AFP xabariga ko‘ra, 24 avgust kuni Parij aeroportida hibsga olingan Pavel Durov 25 avgust kuni sudga kelishi mumkin.