O‘zbekiston elchisi Ravshan Usmonov Angliyaning “Aston Villa” futbol klubining biznesni rivojlantirish masalalari bo‘yicha prezidenti Kris Xek bilan uchrashdi.
Kris Xek “Aston Villa” futbol klubi O‘zbekistonda futbolni yanada rivojlantirish yo‘lida yaqin hamkorlikdan manfaatdor ekanini ta’kidladi.
Yig‘ilish yakunida “Aston Villa” futbol klubi bilan kelgusida qo‘shma sport tadbirlarini tashkil etish bo‘yicha kelishuvga erishildi.
1874 yilda Angliyaning Birmingem shahrida tashkil etilgan Aston Villa jahon futbolidagi eng tarixiy va nufuzli klublardan biri sifatida tan olingan. Aston Villa futbol assotsiatsiyasining asoschilaridan biri hisoblanadi. Klub 7 marta Angliya chempionati (o'sha paytdagi Birinchi divizion), 7 marta Angliya kubogi va 5 marta Liga kubogi sohibi bo'lgan. Klub o'z uy uchrashuvlarini 42 000 dan ortiq tomoshabinga mo'ljallangan «Villa Park» stadionida o'tkazadi.