O‘zbekiston tashqi ishlar vaziri o‘rinbosari Olim Abdullaev Latviya elchisi Reynis Troksha bilan uchrashdi.
Tashqi ishlar vazirligi xabariga koʻra, uchrashuvda tashqi mehnat migratsiyasi sohasida hamkorlikni kengaytirish masalalari muhokama qilindi.
Muzokaralar chog‘ida O‘zbekiston fuqarolarini Latviyaga ishlash uchun olib kelish, viza rejimini soddalashtirish, mehnat migratsiyasi sohasida qonunchilik bazasini yaratish, ta’lim muassasalari va markazlarini tashkil etish, shuningdek, Latviyadan mutaxassislarni jalb qilish masalalari muhokama qilindi.
Tomonlar mehnat muhojirlari huquqlarini himoya qilishda ikki davlat hukumatlari o‘rtasidagi hamkorlikni mustahkamlash muhimligini e’tirof etdilar va tashqi mehnat migratsiyasi sohasida ikki tomonlama munosabatlarni yanada rivojlantirishga tayyor ekanliklarini tasdiqladilar.