Hyundai Rotem kompaniyasi O‘zbekistonda elektropoyezdlar ishlab chiqarishni yo‘lga qo‘ymoqchi. Transport vazirligida bu borada muzokaralar olib borildi.
O‘zbekiston transport vaziri o‘rinbosari Jasur Choriev Hyundai Rotem Global Railway Group rahbari Kvak Chol Kxun boshchiligidagi delegatsiya vakillari bilan uchrashdi.
Uchrashuvda zamonaviy elektropoyezdlar ishlab chiqarishni mahalliylashtirish loyihasi yuzasidan fikr almashildi.
Koreyaning “Korail” kompaniyasi “Toshkent yoʻlovchi vagonlarini qurish va taʼmirlash zavodi” aksiyadorlik jamiyatida foydalanilayotgan elektropoyezd turini mahalliylashtirish boʻyicha taklif bilan chiqdi.
Mahalliylashtirish asosida ishlab chiqarilishi taklif etilayotgan elektropoyezdning asosiy texnik tavsiflari haqida ma’lumot berildi.
Uchrashuv yakunida tomonlar loyihaning qo‘shimcha imkoniyatlarini o‘rganish, takliflarni tahlil qilish va yangi ishlab chiqarish yo‘nalishlarini o‘rganishga kelishib oldilar.