Bosh murabbiy Srechko Katanets va terma jamoa yarim himoyachisi Jaloliddin Masharipov JCh-2026 saralashining 6-turi doirasidagi Shimoliy Koreya – O‘zbekiston uchrashuvi oldidan tashkil etilgan matbuot anjumanida ishtirok etdi.
«Aytish mumkinki, so'nggi uchrashuvdan keyin bu o'yinga tayyorgarlik ko'rish uchun yetarlicha vaqtimiz bor edi. To'rt kun davomida barcha futbolchilar mashg'ulotlarda davom etishdi. Biz faqat maydonda muammolarga duch keldik. CHunki mashg'ulot maydoni sharoiti yaxshi emas. Biroq, oldinda bizni muhim o'yin kutib turibdi va ijobiy natijaga erishish uchun bor kuchimiz bilan harakat qilamiz.
10 ta o‘yinning hammasini mag‘lubiyatsiz o‘tkazib bo‘lmaydi. SHunday ekan, ertaga maydonga tushgan futbolchilarga o'zini ko'rsatish vaqti keldi. Ular bu imkoniyatdan unumli foydalanishlari kerak”, dedi Srechko Katanets.
Milliy terma jamoa yetakchisi Jaloliddin Masharipov Shimoliy Koreya bilan o‘yin oldidan o‘tkazilgan matbuot anjumanida “Hozir mayda-chuyda masalalarga e’tibor beradigan vaqt emas”, dedi.
“Biz ertangi o'yinga tayyormiz. Ha, mashg'ulot maydonida biroz muammo bor, lekin menimcha, hozir buni ko'rib chiqish vaqti emas. Biz bu erga faqat uch ochko olish uchun kelganmiz. Bizning vazifamiz endi g'alaba qozonish.
Menimcha, biz uchrashuvga tayyormiz. Bu o‘yinlarda kuchli jamoalarimiz va kuchli jamoalarimiz sinovdan o‘tadi. Biz kuchli jamoamiz, buni bilamiz va bu haqda jamoadoshlarimiz bilan gaplashdik. Biz tezroq bu o'yinga e'tibor qaratishimiz va birinchi o'yinni unutishimiz kerak. Negaki, biz bu haqda o'ylab ikkinchi o'yinni boshdan kechirishni xohlamaymiz.
Kuchli jamoa hech qachon ketma-ket ikkita o'yinda mag'lub bo'lmaydi. Biz kuchli terma jamoamiz va xudo xohlasa ertaga shuni ko'rsatamiz va 3 ochko bilan muxlislarni va barchani xursand qilishga harakat qilamiz”, – dedi Jaloliddin Masharipov o'yin oldidan matbuot anjumanida.
Avval xabar berganimizdek, Eldor Shomurodov va Otabek SHukurov jarohatlari sabab Laosdagi ushbu o'yinda jamoamizga yordam bera olmaydi.
Ma’lumot uchun, Shimoliy Koreya – O‘zbekiston uchrashuvi ertaga, 19-noyabr, seshanba kuni soat 17:00da boshlanadi.